ASSIST សូមស្វាគមន៍

ដំណោះស្រាយអាស៊ានសម្រាប់ការវិនិយោគ សេវាកម្ម និងពាណិជ្ជកម្ម (ASSIST) គឺជាយន្តការមិនភ្ជាប់កាតព្វកិច្ច និងផ្ដល់សេវាកម្មពិគ្រោះយោបល់ដើម្បីស្វែងរកដំណោះស្រាយឆាប់រហ័ស និងមានប្រសិទ្ធភាពសម្រាប់បញ្ហាប្រតិបត្តិដែលសហគ្រាសអាស៊ានជួបប្រទះលើបញ្ហាឆ្លងព្រំដែនពាក់ព័ន្ធនឹងការអនុវត្តកិច្ចព្រមព្រៀង សេដ្ឋកិច្ចអាស៊ាន និងនៅក្នុងក្របខ័ណ្ឌសហគមសេដ្ឋកិច្ចអាស៊ាន (AEC) ដែលបានចាប់ផ្ដើមនៅក្នុងឆ្នាំ ២០១៥។ ASSIST ត្រូវបាន​ផ្ដល់ជូនតាមរយៈប្រព័ន្ធអ៊ីនធឺណិតដោយឥតគិតថ្លៃ។



តើលោកអ្នកជាសហគ្រាសអាស៊ានដែលកំពុងប្រឈមបញ្ហាដែលពាក់ព័ន្ធនឹងពាណិជ្ជកម្មទំនិញ ឬពាណិជ្ជកម្មសេវាកម្មនៅក្នុងតំបន់អាស៊ានមែនដែរឬទេ? ប្រសិនបើដូច្នេះមែន អ្នកអាចដាក់ពាក្យបណ្ដឹងដោយដាក់ឈ្មោះរបស់ខ្លួនឯង តាមរយៈសមាគមពាណិជ្ជកម្មដែលមានមូលដ្ឋាននៅក្នុងអាស៊ាន ឬជាលក្ខណៈអនាមិកដោយប្រើប្រាស់មេធាវី ឬ​ការិយាល័យមេធាវីដែលចុះនៅអាស៊ាន។
 
                   

យន្តការ ASSIST ត្រូវបានបង្កើតឡើងដើម្បីអនុវត្តការពិគ្រោះយោបល់អាស៊ានដើម្បីដោះស្រាយបញ្ហាពាណិជ្ជកម្ម និងវិនិយោគ (ACT) ដែលបានប្រគល់អាណត្តិនៅក្រោមកិច្ចព្រមព្រៀងពាណិជ្ជកម្មទំនិញអាស៊ា(ATIGA) ហើយយន្តការនេះគឺពឹងផ្អែកទាំងស្រុងតាមប្រព័ន្ធ SOLVIT របស់សហភាពអឺរ៉ុប។ ASSIST បញ្ជាក់ឡើងវិញអំពីលក្ខណៈពិគ្រោះយោបល់ និងការមិនភ្ជាប់កាតព្វកិច្ចរបស់ ACT ​ដោយធ្វើទំនើបកម្ម​រចនាសម្ព័ន្ធ និងធ្វើឱ្យយន្តការនេះអាចដំណើរការកាន់តែមានប្រសិទ្ធភាព និងប្រសិទ្ធផល។ នៅពេលត្រូវបានដាក់ដំណើរការពេញលេញ យន្តការនេះមាន​វិសាលភាពលើសពីពាណិជ្ជកម្មទំនិញមានគោលដៅបង្កើតនូវ​ដំណោះស្រាយបញ្ហាដែលបានកើតឡើងពាក់ព័ន្ធនឹងពាណិជ្ជកម្មសេវាកម្ម ព្រមទាំងវិធានការវិនិយោគផ្សេងៗ​ដែលពាក់ព័ន្ធនឹងពាណិជ្ជកម្មនៅក្នុងសហគមន៍សេដ្ឋកិច្ចអាស៊ាន (AEC)


តើ ASSIST ដោះស្រាយលើប្រភេទបញ្ហាអ្វីខ្លះ?  

  • វិធានការដែលពាក់ព័ន្ធនឹងពន្ធគយ និងមិនមែនពន្ធគយដែលប៉ះពាល់ដល់ទំនិញ
  • បញ្ហានានានៅក្នុងផ្នែកសេវាកម្មឆ្លងកាត់ព្រំដែន និង
  • វិធានការដែលកំហិតដល់ការវិនិយោគលើវិស័យផ្សេងៗនៃសមាហរណកម្មអាស៊ាន។

ASSIST មិនដោះស្រាយលើបញ្ហាទាំងនេះឡើយ៖

  • វិវាទរវាងនិយោជិត និងនិយោជក ឬបណ្ដឹងអំពីការរើសអើង។
  • បញ្ហាផ្សេងដែលកំពុង ឬត្រូវបានដោះស្រាយតាមផ្លូវច្បាប់/មជ្ឈត្តកម្មនៅក្នុងដែនយុត្តាធិការជាតិ។
  • បណ្ដឹងប្រឆាំងនឹងរូបវ័ន្តបុគ្គល ឬនីតិបុគ្គល (ក្រុមហ៊ុន)។
  • បញ្ហាផ្សេងៗដែលមិនពាក់ព័ន្ធនឹងពាណិជ្ជកម្ម សេវាកម្ម ឬការវិនិយោគក្នុងតំបន់អាស៊ាន។
  • សិទ្ធិទិដ្ឋាការ និងការរស់នៅ និងចរាចរណ៍មូលធន ឬការទូទាត់ឆ្លងកាត់ព្រំដែន។

បញ្ជីខាងលើគ្រាន់តែជាការបង្ហាញ និងមានលក្ខណៈមិនពេញលេញ។ ក្នុងករណីមានចម្ងល់ណាមួយ នៅមុន​ដាក់ពាក្យបណ្ដឹង សូមពិនិត្យមើលថាតើសាទុក្ខរបស់ស្ថិតនៅក្នុងវិសាលភាព ASSIST ដែរឬទេ ដោយទាក់ទង​ រដ្ឋបាលកណ្ដាលរបស់ ASSIST